Jeremiah 45 Tamil HEBREW - தமிழ் வேதாகமம்

அட்டவணை

Original verses for எரேமியா 45

הַדָּבָ֗ר אֲשֶׁ֤ר דִּבֶּר֙יִרְמְיָ֣הוּ הַנָּבִ֔יא אֶל בָּר֖וּךְ בֶּֽן נֵֽרִיָּ֑ה בְּכָתְבוֹ֩אֶת הַדְּבָרִ֨ים הָאֵ֤לֶּה עַל סֵ֙פֶר֙מִפִּ֣י יִרְמְיָ֔הוּ בַּשָּׁנָה֙הָֽרְבִעִ֔ית לִיהוֹיָקִ֧ים בֶּן יֹאשִׁיָּ֛הוּ מֶ֥לֶךְ יְהוּדָ֖ה לֵאמֹֽר׃

כֹּֽה אָמַ֥ר יְהוָ֖ה אֱלֹהֵ֣י יִשְׂרָאֵ֑ל עָלֶ֖יךָ בָּרֽוּךְ׃

אָמַ֙רְתָּ֙אֽוֹי נָ֣א לִ֔י כִּֽי יָסַ֧ף יְהוָ֛ה יָג֖וֹן עַל מַכְאֹבִ֑י יָגַ֙עְתִּי֙בְּאַנְחָתִ֔י וּמְנוּחָ֖ה לֹ֥א מָצָֽאתִי׃

כֹּ֣ה׀תֹּאמַ֣ר אֵלָ֗יו כֹּ֚ה אָמַ֣ר יְהוָ֔ה הִנֵּ֤ה אֲשֶׁר בָּנִ֙יתִי֙אֲנִ֣י הֹרֵ֔ס וְאֵ֥ת אֲשֶׁר נָטַ֖עְתִּי אֲנִ֣י נֹתֵ֑שׁ וְאֶת כָּל הָאָ֖רֶץ הִֽיא׃

וְאַתָּ֛ה תְּבַקֶּשׁ לְךָ֥גְדֹל֖וֹת אַל תְּבַקֵּ֑שׁ כִּ֡י הִנְנִי֩מֵבִ֨יא רָעָ֤ה עַל כָּל בָּשָׂר֙נְאֻם יְהוָ֔ה וְנָתַתִּ֨י לְךָ֤אֶֽת נַפְשְׁךָ֙לְשָׁלָ֔ל עַ֥ל כָּל הַמְּקֹמ֖וֹת אֲשֶׁ֥ר תֵּֽלֶךְ שָֽׁם׃