Psalm 101 Tamil HEBREW - தமிழ் வேதாகமம்

அட்டவணை

Original verses for சங்கீதம் 101

לְדָוִ֗ד מִ֫זְמ֥וֹר

חֶֽסֶד וּמִשְׁפָּ֥ט אָשִׁ֑ירָה לְךָ֖יְהוָ֣ה אֲזַמֵּֽרָה׃

אַשְׂכִּ֤ילָה׀בְּדֶ֬רֶךְ תָּמִ֗ים מָ֭תַי תָּב֣וֹא אֵלָ֑י אֶתְהַלֵּ֥ךְ בְּתָם לְ֝בָבִ֗י בְּקֶ֣רֶב בֵּיתִֽי׃

לֹֽא אָשִׁ֨ית׀לְנֶ֥גֶד עֵינַ֗י דְּֽבַר בְּלִ֫יָּ֥עַל עֲשֹֽׂה סֵטִ֥ים שָׂנֵ֑אתִי לֹ֖א יִדְבַּ֣ק בִּֽי׃

לֵבָ֣ב עִ֭קֵּשׁ יָס֣וּר מִמֶּ֑נִּי רָ֝֗ע לֹ֣א אֵדָֽע׃

מְלָושְׁנִ֬י בַסֵּ֨תֶר׀רֵעֵהוּ֮אוֹת֪וֹ אַ֫צְמִ֥ית גְּֽבַהּ עֵ֭ינַיִם וּרְחַ֣ב לֵבָ֑ב אֹ֝ת֗וֹ לֹ֣א אוּכָֽל׃

עֵינַ֤י׀בְּנֶֽאֶמְנֵי אֶרֶץ֮לָשֶׁ֪בֶת עִמָּ֫דִ֥י הֹ֭לֵךְ בְּדֶ֣רֶךְ תָּמִ֑ים ה֝֗וּא יְשָׁרְתֵֽנִי׃

לֹֽא יֵשֵׁ֨ב׀בְּקֶ֥רֶב בֵּיתִי֮עֹשֵׂ֪ה רְמִ֫יָּ֥ה דֹּבֵ֥ר שְׁקָרִ֑ים לֹֽא יִ֝כּ֗וֹן לְנֶ֣גֶד עֵינָֽי׃

לַבְּקָרִ֗ים אַצְמִ֥ית כָּל רִשְׁעֵי אָ֑רֶץ לְהַכְרִ֥ית מֵֽעִיר יְ֝הוָ֗ה כָּל פֹּ֥עֲלֵי אָֽוֶן׃