Psalm 54 Tamil HEBREW - தமிழ் வேதாகமம்

அட்டவணை

Original verses for சங்கீதம் 54

לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃בְּבֹ֣א הַ֭זִּיפִים וַיֹּאמְר֣וּ לְשָׁא֑וּל הֲלֹ֥א דָ֝וִ֗ד מִסְתַּתֵּ֥ר עִמָּֽנוּ׃

אֱ֭לֹהִים בְּשִׁמְךָ֣הוֹשִׁיעֵ֑נִי וּבִגְבוּרָתְךָ֥תְדִינֵֽנִי׃

אֱ֭לֹהִים שְׁמַ֣ע תְּפִלָּתִ֑י הַ֝אֲזִ֗ינָה לְאִמְרֵי פִֽי׃

כִּ֤י זָרִ֨ים׀קָ֤מוּ עָלַ֗י וְֽ֭עָרִיצִים בִּקְשׁ֣וּ נַפְשִׁ֑י לֹ֤א שָׂ֨מוּ אֱלֹהִ֖ים לְנֶגְדָּ֣ם סֶֽלָה׃

הִנֵּ֣ה אֱ֭לֹהִים עֹזֵ֣ר לִ֑י אֲ֝דֹנָ֗י בְּֽסֹמְכֵ֥י נַפְשִֽׁי׃

יָשִׁ֣וב הָ֭רַע לְשֹׁרְרָ֑י בַּ֝אֲמִתְּךָ֗הַצְמִיתֵֽם׃

בִּנְדָבָ֥ה אֶזְבְּחָה לָּ֑ךְ א֤וֹדֶה שִּׁמְךָ֖יְהוָ֣ה כִּי טֽוֹב׃

כִּ֣י מִכָּל צָ֭רָה הִצִּילָ֑נִי וּ֝בְאֹיְבַ֗י רָאֲתָ֥ה עֵינִֽי׃